A bisserl wos zum Kennalerna

Geboren und aufg`wachsen bin i in Vordersarling (Lkr. Rottal-Inn). Seit 1984 wohn` i jetzt aber scho in Unterdietfurt, des is oan Kilometer von Sarling entfernt. Meine Hobbies san - neben dem Kabarett - Fußball (27 Jahre aktiv bis 2003) bei meinem Heimatverein DJK-TSV Dietfurt, Skifahren, DJ bei div. Anlässen wie Geburtstagsparties usw. und nebenbei bin i seit 1.1.2009 a no Bräse vom FC Bayern-Fanclub Sarlinger Bayern Bazis www.sarlinger-bayern-bazis.de. Des muaß glanga, hob i mir denkt. Aber im Vordergrund steht natürlich des Kabarett, weil`s nix schöner`s gibt, ois wia d`Leit zum Lacha bringa. Und deswegn hob i mi zu dem Kabarett-Wettbewerb am Huberhof in Schnellertsham beworben - und siehe da - g`wunga hob i den Wettbewerb a no.

Ermöglicht hod mir de Bühnenerfahrung vor allem de Piermoir-Stubn in Unterdietfurt, wo i de letzten Jahre scho des oane oder andere Mal auf da Bühne g`standen bin. Z`erst (2002 und 2004) mit`n Gerhard Jung - meinem Spezl aus Eggenfelden - und dann mit meinem ersten Soloprogramm 2007. Vielen Dank nomoi an Matthias Niederer mit seinem Team der Piermoir-Stubn damals.

Auf a paar b`sonders scheene Freind möcht`i no hinweisen, de machan a "Mords-Gaudi" mit eanane Instrumente, drum: Falls wer amoi a super-zünftige, originell-bayrische Musi` für a Feier oder einfach zum geselligen Beisammensein hob`n möcht`, dann schaut`s amoi auf de Internet-Seite von de Bamhagge-Buam und nehmt`s Kontakt mit eana auf, Ihr werd`ses nicht bereuen...